اسلام آباد (این این آئی)تحریک انصاف کی سابق رکن قومی اسمبلی آسیہ عظیم نے جہانگیر ترین سے ملاقات میں استحکام پاکستان پارٹی میں شمولیت کا اعلان کردیا ۔جمعہ کو تحریک انصاف کی سابق رکن قومی اسمبلی آسیہ عظیم نے سینئر سیاستدان اور استحکام پاکستان پارٹی کے بانی جہانگیر ترین سے ملاقات کی جس میں ملک کی موجودہ سیاسی صورتحال سمیت مختلف امور زیر غور آئے ۔ اس موقع پر سابق رکن قومی اسمبلی آسیہ عظیم نے استحکام پاکستان پارٹی میں شمولیت کا اعلان کرتے ہوئے کہا کہ استحکام پاکستان پارٹی عام انتخابات میں کامیابی حاصل کر کے ملک کو مشکلات سے نکالے گی ۔ اس موقع پر استحکام پارٹی نے سابق رکن اسمبلی آسیہ عظیم اور آمنہ فاروق کو پارٹی مفلر پہنا کر خیر مقدم کیا ۔ ملاقات میں اسحاق خان خاکوانی، عون چوہدری اور ڈاکٹر فردوس عاشق اعوان بھی موجودتھیں ۔
