ممبئی(این این آئی)بالی ووڈ کی موڈی اداکارہ، کرینہ کپور عرف بیبو نے فلم کل ہو نہ ہو میں شاہ رخ خان کے مدمقابل کردار کی آفر کو ٹھکرادیا تھا جس کی وجہ سے متعلق اب انکشاف ہوا ہے۔اداکارہ کرینہ کپور نے بھارتی میڈیا بالی ووڈ ببل سے انٹرویو کے دوران انکشاف کرتے ہوئے بتایاکہ اس فلم میں انہیں معاوضہ بہت کم دیا جا رہا تھا جبکہ وہ مرکزی کردار، شاہ رخ خان کے برابر معاوضہ وصول کرنا چاہتی تھیں۔اداکارہ کے مطابق فلم کل ہو نہ ہو میں کام سے انکار کی وجہ اسکرپٹ پسند نہ آنا نہیں تھی۔دوسری جانب کرن جوہر نے اس مطالبے پر کرینہ کپور سے کہا کہ وہ شاہ رخ خان سے بڑی اداکارہ نہیں ہیں، اس لیے انہیں ہیرو کے برابر معاوضہ نہیں ملے گا۔کرینہ کپور نے بتایاکہ اس کے بعد ان کا اور کرن جوہر کا طویل عرصے تک ایک دوسرے کے ساتھ جھگڑا بھی رہا تھا اور دونوں نے طویل عرصے تک ایک دوسرے سے بات نہیں کی تھی۔دوسری جانب اس سے متعلق ایک انٹرویو کے دوران فلم کل ہو نہ ہو کی ہیروئن پریتی زنٹا نے کہاکہ یہ فلم ان کے کیریئر کی سب سے خاص فلم ثابت ہوئی تھی اور انہیں اس بات سے کوئی فرق نہیں پڑتا کہ ان سے قبل یہ فلم کسے آفر ہوئی۔یاد رہے کہ فلم کل ہو نہ ہو 2003 میں ریلیز ہوئی تھی جس میں پریتی نے نینا نامی لڑکی کا کردار ادا کیا تھا جبکہ ان کے ہمراہ شاہ رخ خان اور سیف علی خان مرکزی کرداروں میں شامل تھے۔اس فلم کی ہدایت نکھل ایڈوانی نے دی تھی اور کرن جوہر اس فلم کے پروڈیوسر تھے۔
مقبول خبریں
چین سی پیک ٹو شروع کرنے کو تیار ہے، افغانستان کو ساتھ ملاکر دہشتگردی...
اسلام آباد (این این آئی)نائب وزیراعظم اور وزیر خارجہ اسحٰق ڈار نے کہا ہے کہ دورہ چین انتہائی کامیاب رہا، چین نے پاکستان...
جو 9 مئی کو ہوا اور جو کچھ بھارت نے کیا اس میں زیادہ...
سرگودھا(این این آئی)وزیر اعلیٰ پنجاب مریم نوازنے کہا ہے کہ جو کچھ 9 مئی کو ہوا اور جو کچھ بھارت نے کیا اس میں...
پاکستان کی مسلح افواج نے بھارتی فوج کو ایسا سبق سکھایا ہے جو وہ...
راولپنڈی (این این آئی)پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چوہدری نے...
دہشتگردوں کے خلاف بے رحم آپریشن کی ضرورت ہے‘ شیری رحمان
اسلام آباد(این این آئی)سینیٹر شیری رحمان نے سینیٹ اجلاس میں اظہار خیال کرتے ہوئے کہا ہے کہ خضدار واقعے کی جتنی مذمت کی جائے...
بھارت دہشتگردوں کو پیسہ اور ٹریننگ دے رہا ہے‘ عرفان صدیقی
اسلام آباد(این این آئی)عرفان صدیقی نے سینیٹ اجلاس میں اظہار خیال کرتے ہوئے کہا کہ خضدار واقعے کی جتنی مذمت کی جائے کم ہے،...