لاہور( این این آئی)اداکار وگلوکار علی ظفر کی جانب سے گلوکارہ میشا شفیع کے خلاف دائر کیے گئے ہتک عزت کے کیس میں اداکارہ عفت عمر کی جرح دوسری سماعت کے دوران بھی مکمل نہ ہوسکی جس پر عدالت نے انہیں آئندہ سماعت پر بھی جرح کے لیے بلا لیا۔ہتک عزت کے کیس کی سماعت سیشن کورٹ کے جج امتیاز علی کی عدالت میں ہوئی، جہاں اداکار ہ عفت عمر سے علی ظفر کے وکلا ء نے جرح کی تاہم دوسری سماعت کے دوران بھی ان کی جرح مکمل نہ ہوسکی ۔عدالت نے سماعت کو آئندہ ماہ 6 جنوری تک ملتوی کرتے ہوئے عفت عمر کو اس میں حاضر ہونے کی ہدایت کرنے سمیت علی ظفر کے وکلا ء کو حکم دیا کہ اگلی سماعت میں اداکارہ کی جرح مکمل کی جائے۔
