لاہور( این این آئی)گلوکارواداکارہ عینی طاہرہ نے کہا ہے کہ سندھ کی طرح تمام صوبوں کواپنی ثقافت کومناناچاہئیں،اس دن کوالگ الگ کی بجائے ایک ہی روزمنایا جائے اور وفاق کی سطح پر مرکزی تقریب ہونی چاہیے جس میں پوری دنیا کو پاکستان کا مثبت چہرہ نظر آئے ۔ خصوصی گفتگو کرتے ہوئے انہوں نے کہا کہ اگردیکھاجائے تو ہماری اصل ثقافت تبدیل ہو رہی ہے اور اس کی بڑی وجہ نوجوان نسل کو اس سے آگاہ نہ کرناہے ۔ انہوں نے کہا کہ سندھ حکومت کی جانب سے ثقافت کادن منانااچھااقدام ہے اس لئے باقی صوبوں کی بھی اس کی پیروی کرنی چاہیے لیکن ایک ہی مقررہ تاریخ پر سب صوبے اس حوالے سے تقریبات کا انعقادکریں جبکہ مرکزی سطح پر وفاقی حکومت اس کاانعقادکرے جس میں بیرون ممالک کے سفیروں کو بھی مدعوکیا جائے تاکہ پاکستان کا روشن اورمثبت چہرہ دنیا کے سامنے اجاگرہو سکے۔
