لاہور(این این آئی)سینئر اداکارسلیم شیخ کو شوبزکی دنیامیں اکتیس برس مکمل ہوگئے ۔اس حوالے سے سلیم شیخ نے کہاہے کہ 1989ء میں 22برس کی عمر میں ہدایتکارشعیب منصورکے ساتھ ڈرامہ سیریل ”سنہرے دن” کی تھی جس سے بے پناہ مقبولیت حاصل ہوئی ۔ اس سے قبل چائلڈسٹارکے طو رپر نو برس کی عمرمیں پی ٹی وی کی ڈرامہ”شمع”میں بھی کام کرچکاتھا ۔ ”سنہرے دن ”میری کامیابی کی علامت ثابت ہوااور1993ء میں پہلی فلم ”قسم”ریلیز ہوئی اور یہ سلسلہ تاحال جاری ہے۔ انہوں نے کہا کہ سب سے پہلے میری کامیابیاں میرے رب کی مرہون منت ہیں اور اس کے بعد میرے بھائی جاوید شیخ اورسینئر اداکاروں کا بھرپور تعاون شامل ہے اور میں ان کا آج بھی شکرگزارہوں۔
