اسلام آباد (این این آئی)پاکستان نے بھارتی افواج کے ہاتھوں تین معصوم کشمیریوں کے ماورائے عدالت قتل کی بین الاقوامی نگرانی میں تحقیقات کا مطالبہ کردیا ۔ ترجمان دفتر خارجہ نے کہاکہ پاکستان جولائی میں بھارتی افواج کے ہاتھوں مقبوضہ کشمیر میں تین مزدور کشمیریوں کے ماورائے عدالت قتل کی شفاف تحقیقات کا مطالبہ کرتا ہے،جولائی میں شوپیاں میں بھارتی افواج نے جعلی مقابلے میں تین مزدور کمشیریوں کو شہید کیا،مقبوضہ کشمیر میں گزشتہ ایک برس کیں 300 سے زائد معصوم کشمیریوں کو جعلی مقابلوں میں شہید کیا گیا۔ترجمان دفتر خارجہ نے کہاکہ پاکستان مسلسل عالمی برادری کی توجہ مقبوضہ کشمیر میں بھارتی افواج کے جعلی مقابلوں کی طرف مرکوز کرا رہا ہے،عالمی برادری بھارت کو مقبوضہ کشمیر میں جاری مظالم روکنے میں کردار ادا کرے۔
