اسلام آباد (این این آئی)اسلام آباد ہائی کورٹ نے پاکستان بار کونسل کا الیکشن رکوانے کی درخواست ناقابل سماعت قرار دیتے ہوئے مسترد کردی۔چیف جسٹس اطہرمن اللہ کی عدالت نے جاری محفوظ شدہ فیصلہ میں درخواست مسترد کرتے ہوئے کہاکہ 2014ء سے پنجاب بار کونسل کی ممبر پٹشنر بشری قمر نے پاکستان بار کونسل الیکشن کو چیلنج کیا، اٹارنی جنرل کے پاکستان بار کونسل الیکشن کے نو دسمبر کے نوٹیفکیشن کو چیلنج کیا گیا، پٹشنر پاکستان بار کونسل کا الیکشن روکنے کی درخواست میں مطمئن نہ کر سکی،الیکشن کے لیگل پریکٹیشنر اینڈ بار کونسل ایکٹ کی خلاف ورزی متعلق عدالت کو مطمئن نہ کر سکی، پٹیشنر پاکستان بار کونسل کے الیکشن میں امیدوار بھی نہیں ہے، سپریم کورٹ کے فیصلوں کے تناظر میں آرٹیکل 199 کے تحت یہ درخواست نہیں سنی جاسکتی۔
