اسلام آباد (این این آئی) حریت رہنما یاسین ملک کی اہلیہ مشعال ملک نے کہا ہے کہ مقبوضہ کشمیر میں بھارت کے راج کرنے کا خواب کھبی پورا نہیں ہونے دیں گے۔یوم استحصال کشمیر کے دن مشال ملک نے ویڈیو بیان میں کہاکہ ہم اہل جنوں ہیں ہم سے غلامی کی امید نہ رکھ، ہم مر جاتے مگر کسی ظالم کی بیت نہیں کرتے۔ انہوںنے کہاکہ کشمیری 70 سال سے بھارتی افواج کی دہشت گردی کا مقابلہ کر رہے ہیں، دو سال قبل 5 اگست کو مودی کی خونی سرکار نے مقبوضہ کشمیر کی خصوصی حیثیت ختم کی۔ انہوںنے کہاکہ بھارت نے مقبوضہ کشمیر سے 370اور 35اے ختم کر کے غیرقانونی طور پر زمینوں پر قبضہ شروع کیا۔ انہوںنے کہاکہ بھارت نے کشمیری عوام کے حقوق چھینے کا گھنائونا کھیل شروع کر رکھا ہے،بھارت حقوق چھین کر مقبوضہ کشمیر کو قبرستان میں تبدیل کرنا چاہتا ہے۔ انہوںنے کہاکہ مقبوضہ کشمیر میں بھارت کے راج کرنے کا خواب کھبی پورا نہیں ہونے دیں گے۔ انہوںنے کہاکہ بھارت مقبوضہ کشمیر میں اقوام متحدہ کی قراردادوں کی خلاف ورزی کر رہا ہے، پاکستانی عوام مقبوضہ کشمیر میں بھارتی مظالم کو پوری دنیا تک پہنچائیں ۔ انہوںنے کہاکہ بھارت مقبوضہ کشمیر میں پہلے بھی ناکام ہوا اور آگے بھی ناکام رہے گا
