لاہور( این این آئی) نامور اداکارہ ثنا نے چودہ اگست کی مناسبت سے اپنے اور بچوں کے لئے ملبوسات کی خریداری کر لی۔ اداکارہ نے گزشتہ روز کراچی کے مقامی شاپنگ مال سے اپنے لئے اور اپنے دونوں بیٹیوں کے لئے پاکستانی پرچم کی طرز پر بنے ہوئے ملبوسات کی خریداری کی ۔ ثنا نے کہا کہ عید کے تہواروں کی طرح جشن آزادی کی شاپنگ کرنا بھی معمول ہے ،ہمیں اس دن کو بھرپور طریقے سے منانا چاہیے تاکہ دنیا کو معلوم ہو سکے کہ ہم زندہ دل قوم ہیں اور زندہ دل قومیں اپنی آزادی کے دن کو بھرپور طریقے سے مناتی ہیں۔ ثنا نے کہاکہ ہمیں اس دن اس بات کا عہد کرنا چاہیے کہ پاکستان سے کرپشن ، لا قانونیت اورناانصافی کا خاتمہ کرنے کے لئے ہر شخص اپنا بھرپورکردار ادا کرے گا۔
