اسلام آباد (این این آئی)ڈی جی ایف آئی اے ثناء اللہ عباسی نے کہاہے کہ کرپشن کے خلاف سب نے کام کر نا ہے ، پاکستان کرپشن فری بنے گا ۔انسداد بدعنوانی کے عالمی دن کے حوالے سے منعقدہ تقریب سے ڈی جی ایف آئی اے ثنا ء اللہ عباسی نے خطاب کرتے ہوئے کہاکہ آج ہمارے لیے بڑا اہم دن ہے،آج دنیا بھر میں انٹرنیشنل کرپشن کا دن منایا جاتا ہے،ایف آئی اے اس سسٹم کا حصہ ہیں۔ انہوںنے کہاکہ ہمارے لیے بڑا مشکلات کا سامنا کرنا پڑھتا ہے،گزشتہ چھ مہینے سے میرا ایف آئی اے میں تجربہ حاصل کررہا ہوں۔ انہوںنے کہاکہ کرپشن میں سچ بولنا بہت ضروری ہے،ایف آئی اے کے لیے پیسہ ریکور کرنا ضروری ہے۔ ڈی جی ایف آئی اے نے کہاکہ ہمارے لیے اس سوسائٹی میں کام کرنا بہت مشکل ہے،لوگ غلط اور صیح میں یقین نہیں رکھتے،ہم اتنے ایڈوانس نہیں ہیں۔ڈی جی ایف آئی اے نے کہاکہ شکریہ ادا کرتا ہوں آج دن کا پیغام آگے پہنچا رہے ہیں،ہمارا میسج یہی ہے کرپشن کو ختم کرنا ہے،یہ فیصلہ سوسائٹی نے کرنا ہے۔ڈی جی ایف آئی اے نے کہاکہ کرپشن کے خلاف آپ نے کام کرنا ہے،پاکستان کرپشن فری بنے گا۔
