واشنگٹن (این این آئی)سال کی پہلی سہ ماہی کے دوران امریکی معیشت سکڑ کر 0.3 فیصد کی سالانہ شرح پر آگئی ہے۔ اسی تناظر میں امریکی صدر ڈونلڈ ٹرمپ نے تصدیق کی ہے کہ ان کی انتظامیہ ٹیرف کے حوالے سے چین کے ساتھ ایک معاہدے تک پہنچنے کی امید رکھتی ہے۔میڈیارپورٹس کے مطابق وائٹ ہاس کے سربراہ نے واضح کیا کہ وہ کسی وقت چین کے ساتھ ایک معاہدے تک پہنچنے کی امید رکھتے ہیں۔ انہوں نے مزید کہا کہ ان کا خیال ہے کہ منصفانہ تجارت میں املاک دانش کے حقوق کا انتظام بھی شامل ہے۔ امریکی صدر نے مزید کہا ہم چاہتے ہیں کہ چین ہمارے ساتھ منصفانہ سلوک کرے۔ ہم نے جو کچھ کیا اور جو کچھ ہم جلد کریں گے اس کے بہت اچھے نتائج دیکھیں گے۔
