نئی دہلی(این این آئی)نئی دہلی میں جی 20 سربراہی اجلاس سے قبل امریکی صدر جو بائیڈن کا بھارتی وزیراعظم نریندر مودی نے پرتپاک استقبال کیا تاہم صحافیوں کو اہم اجلاس کی کوریج کرنے سے روک دیا گیا۔بھارتی ٹی وی کے مطابق جی 20 جیسے بڑے سربراہی اجلاسوں کے موقع پر اس طرح کے دو طرفہ ملاقاتوں تک میڈیا کی رسائی کو ہمیشہ سختی سے کنٹرول کیا جاتا ہے لیکن اسے شاذ و نادر ہی مکمل طور پر روکا جاتا ہے۔یہ واقعہ اس وقت پیش آیا جب بھارتی حکام نے جون میں واشنگٹن کا سرکاری دورہ کرتے ہوئے ایک پریس بریفنگ میں مودی کے امریکی نامہ نگاروں سے ایک سوال لینے پر راضی ہونے سے پہلے طویل مذاکرات کئے تھے۔ بھارتی رہنما شاذ و نادر ہی کبھی غیر ملکی میڈیا کے سوالات لیتے ہیں۔
