پیرس(این این آئی)فرانس کے صدر ایمانوئیل میکرون نے اسرائیلی وزیر اعظم نیتن یاہو سے فون پر بات چیت کے دوران غزہ میں بڑھتے ہوئے انسانی المیہ پر تبادلہ خیال کیا ہے۔غیرملکی خبررساں ادرے کے مطابق میکروں کے دفتر کے مطابق انہیں نے نیتن یاہو سے پائیدار سیز فائر کا مطالبہ کیا ۔دوسری جانب اسرائیلی وزیر اعظم نیتن یاہو نے فرانس کے صدر کا شکریہ ادا کیا کہ ان کے زیر قیادت فرانس نے بحیرہ احمر میں جہازوں کو درپیش حوثی خطرے سے نمٹنے کے لیے نئے اتحاد میں شمولیت قبول کر لی ہے۔فرانسیسی صدر کے دفتر کے مطابق صدر کے ایک ہفتہ قبل کیے گئے اعلان کے مطابق فرانس آنے والے دنوں میں اردن کے ساتھ مل کر غزہ میں طبی سہولیات کے لیے کام کرے گا۔
