راولپنڈی(این این آئی)وزیر صحت پنجاب ڈاکٹر یاسمین راشد نے سابق وزیر اعظم نوازشریف کو تنقید کا نشانہ بناتے ہوئے کہا ہے کہ تین دفعہ کا وزیراعظم اپنی بات پر تو کھڑا ہو۔ لیڈر بننا ہے تو ملکی عدالت کا سامنا کریں،کورونا کی صورتحال کو مسلسل مانیٹر کررہے ہیں،صوبہ کے کسی بھی ہسپتال میں دوائی باہر سے منگوانے کی شکایت پر سخت کارروائی ہوگی۔وزیر صحت پنجاب ڈاکٹر یاسمین راشد نے راولپنڈی کے یورالوجی ہسپتال کا دورہ کیا ہے۔ اس موقع پر میڈیا سے گفتگو کرتے ہوئے صوبائی وزیر نے کہا کہ راولپنڈی میں کورونا کے 20 نئے کیسز سامنے آئے ہیں،پیرکو 3 ہزار سے زائد کورونا کے مثبت کیسز ہو چکے ہیں،کورونا کی دوسری قسم کے 4 مشکوک مریض لاہور میں سامنے آئے ہیں انکے ایک ہفتہ تک نتائج سامنے آجائیں گے ،صوبہ کے کسی بھی سرکاری ہسپتال میں مریض سے دوائی باہر سے منگوانے پر ایکشن ہوگا۔ انہوںنے کہاکہ ایم ٹی آئی ایکٹ میں نجکاری نہیں ہے۔ انہوںنے کہاکہ ایم ٹی آئی ایکٹ یہاں لاگو ہوگا،پیسہ حکومت دیگی، ایم ٹی آئی ایکٹ اسمبلی سے پاس ہوگیا ہے،سیالکوٹ کے ایک ہسپتال اور کنگ ایڈورڈ کالج میں ایم ٹی آئی لاگو ہوگا۔ایک سوال کے جواب میں انہوں نے کہا کہ3 دفعہ کا وزیر اعظم اپنی بات پر تو کھڑا ہو،ملک کا لیڈر بننا ہے تو ملکی عدالت کا سامنا کریں۔ انہوںنے کہاکہ نوازشریف جب ہمارے پاس ہسپتال پہنچے تھے تو ان کے پلیٹ لٹس بہت کم تھے، نوازشریف کی بیماریوں کیلئے ایک بورڈ تشکیل دیا تھا۔نوازشریف سے خود پوچھا کہ آپ باہر سے کوئی ڈاکٹر بلانا چاہتے ہیں
