اسلام آباد (این این آئی)پاکستان مسلم لیگ (ن) کے رہنما اور سابق وزیر اعظم شاہد خاقان عباسی نے کہا ہے کہ اس حکومت نے پاکستان کو تاریخی مہنگائی دی، غربت میں دھکیل دیا، ہر آدمی موجودہ حکومت سے تنگ ہے،حکومت خود الیکشن چوری کر رہی ہے، احتساب کا ادارہ کرپشن میں ملوث ہے، اسے کون پوچھے گا، عدل کا نظام ایک مذاق بن چکا ہے،حکومت آرڈیننس کے ذریعے آئین بدلنا چاہتی ہے۔منگل کو احتساب عدالت کے باہر میڈیا سے گفتگو کرتے ہوئے سابق وزیراعظم شاہد خاقان عباسی نے کہا کہ حکومت ایک آرڈیننس کے ذریعے آئین کو بدلنا چاہتی ہے، ان عدالتوں میں 10 وفاقی وزرا، کم ازکم 3 وزرائے اعظم کے کیس ہیں، ان مقدمات کی حقیقت کا کسی کو علم ہی نہیں ہے۔انہوں نے کہا کہ لوگ اس حکومت کے ساتھ نہیں چلنا چاہتے۔انہوں نے کہا کہ اسلام آباد میں وکلا کی ہڑتال کے حل کی ضرورت ہے، وکلا کے چیمبرز نہیں گرائے جانے چاہیے تھے، وکلا کے چیمبرز کے لیے جگہ مہیا کی جانی چاہیے۔انہوں نے کہا کہ چیف جسٹس کے ساتھ جو زیادتی ہوئی اس کا دفاع نہیں کیا جا سکتا، چیف جسٹس اسلام آباد ہائیکورٹ کے ساتھ زیادتی کا دفاع بھی نہیں ہوسکتا۔شاہد خاقان عباسی نے کہاکہ حکومت خود الیکشن چوری کر رہی ہے، احتساب کا ادارہ کرپشن میں ملوث ہے، اسے کون پوچھے گا، عدل کا نظام ایک مذاق بن چکا ہے۔انہوں نے کہاکہ بدقسمتی ہے کہ آج پارلیمان مفلوج ہے، اسلام آباد میں عدالتی نظام مفلوج ہے،صرف یہاں نہیں، لگتا ہے پورے ملک میں مفلوج ہے، آئین کو بدلنا صرف پارلیمان کا اختیار ہے۔انہوں نے کہاکہ ڈسکہ میں جو ہوا وہ سب آپ کے سامنے ہے، آج وزیراعظم اور وزیراعلیٰ کٹہرے میں کھڑے ہوئے ہیں۔
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...