اسلام آباد (این این آئی)احتساب عدالت میں نارووال سپورٹس سٹی ریفرنس کیس کی سماعت وکلا کی ہڑتال کے باعث بنا کسی کارروائی کے 10مارچ تک ملتوی کردی گئی جبکہ مسلم لیگ (ن) کے رہنماسابق وزیر داخلہ احسن اقبال نے کہا ہے کہ ڈسکہ واقعے کی شفاف تحقیقات الیکشن کمیشن کیلئے چیلنج ہے،پنجاب میں الیکشن چرانے کی کوشش کی گئی،مہنگائی اور بے روزگاری کی لہر کو نا روکا گیا تو ملک میں سیکورٹی کا مسئلہ پیدا ہوسکتا ہے۔منگل کو اسلام آباد کی احتساب عدالت کے جج سید اصغر علی نے سابق وزیر داخلہ احسن اقبال و دیگر کے خلاف نارووال سپورٹس سٹی ریفرنس پر سماعت کی۔ عدالت نے وکلا کی ہڑتال کے باعث کیس کی سماعت بنا کسی کارروائی کے 10مارچ تک ملتوی کردی۔ سماعت کے بعد میڈیا سے گفتگو کرتے ہوئے سابق وزیر داخلہ احسن اقبال نے کہا کہ جھوٹے اور بے بنیاد مقدمات کا مقصد کردار کشی کرنا ہے۔انہوں نے کہاکہ اپنے دور میں تاریخی پانچ سو ارب روپے کا ترقیاتی بجٹ منظور کیا،ملکی ترقی بھی ملکی دفاع کی طرح ضروری ہے۔انہوں نے کہاکہ پنجاب میں ضمنی انتخابات چرانے کی کوشش کی گئی، ڈسکہ واقعے کی شفاف تحقیقات الیکشن کمیشن کے لیے چیلنج ہے۔ انہوں نے کہاکہ اگر مہنگائی اور بے روزگاری کو کم نا کیا گیا تو سیکورٹی کے میدان میں حاصل کی جانے والی کامیابیاں ختم ہوسکتی ہیں۔
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...