اسلام آباد(این این آئی) پاکستان مسلم لیگ (ن) کے رہنما احسن اقبال نے کہا ہے کہ بلاول بھٹو زرداری کی اتنی عمر نہیں جتنا ہمارا سیاست میں تجربہ ہو چکا ہے، بلاول بھٹو زرداری کو ایسے بیانات نہیں دینے چاہئیں جن سے ان کی جماعت کو نقصان ہو،عمران نیازی عدلیہ سے کس قسم کا تعاون چاہ رہے ہیں؟،ہمارے خلاف کیسز کی براہ راست کوریج کی جائے، قوم کو پتہ چلے عمران نیازی کے پاس الف لیلیٰ کی کہانیوں کے سوا کچھ نہیں،حکومت کی تین سالہ کہانیوں نے ملکی معیشت تباہ کردی ہے، یہ تین سال بعد بھی وزیرخزانہ تلاش کر رہے ہیں، شخصی سحر سے نکلیں اور آنکھیں کھولیں۔ پیر کو یہاں میڈیا سے بات کرتے ہوئے احسن اقبال نے کہا کہ گزشتہ روز عمران خان نے قوم کے سامنے رونا رویا ، عدالتی نظام پر حملہ کیا، عمران نیازی فرماتے ہیں وہ اپنا ایجنڈا عدلیہ کے عدم تعاون کے باعث پورا نہیں کرپا رہے، عمران نیازی عدلیہ سے کس قسم کا تعاون چاہ رہے ہیں؟ کیا وہ چاہتے ہیں عدلیہ ان کے الف لیلیٰ احتساب کہانیوں پر سب کو جیل میں ڈال دے؟۔ پھر مطالبہ کرتا ہوں ہمارے خلاف کیسز کی براہ راست کوریج کی جائے، قوم کو پتہ چلے عمران نیازی کے پاس الف لیلیٰ کی کہانیوں کے سوا کچھ نہیں۔رہنما (ن) لیگ نے کہا کہ آج ریاست پاکستان کو شدید خطرات سے دو چار کر دیا گیا ہے، بین الاقوامی رپورٹس آج اس بات کی نشاندہی کر رہی ہیں،ہم نے پہلے کہا تھا یہ پالیسی پاکستانی معیشت کو تباہ کر دے گی، ہمارے پانچ سال کے قرضے پیداواری نوعیت کے تھے، موٹر ویز اور سی پیک کے منصوبے بنے ملکی ترقی ہوئی،موٹر ویز اور سی پیک کے منصوبے بنے ملکی ترقی ہوئی، ہمارے پانچ سال سے زیادہ عمران نیازی نے سوا دو سال میں قرض لیا۔ عمران نیازی نے غیر پیداواری قرضہ خسارا پورا کرنے کیلئے لیا، اس قرض کے ذریعے ہمیں بلیک میل کیا جا سکتا ہے، ہماری خودمختاری داؤ پر لگ چکی ہے، اب ہماری قسمت کے فیصلے آئی ایم ایف کے بابو کریں گے۔احسن اقبال نے کہا کہ ملک کو 5 اعشاریہ 8 فیصد ترقی سے منفی میں لے جایا گیا، وزیر منصوبہ بندی اسد عمر کہتے ہیں سی پیک کامیابی سے چل رہا ہے، کون سا ایک منصوبہ ہے جو ہمارے بعد آپ نے شروع کیا، ہم نے نیشنل ہائی وے اتھارٹی کو 400 ارب کا بجٹ دیا، آپ نے وہ بجٹ کم کر کے ایک سو ارب کر دیا
مقبول خبریں
امریکی ڈیموکریٹس کا رفح حملہ روکنے کیلئے بائیڈن کو کھلا خط
واشنگٹن (این این آئی)غزہ کے شہر رفح میں اسرائیلی حملے روکنے کے لیے 57 امریکی ڈیموکریٹس نے ایک کھلے خط پر دستخط کرتے ہوئے...
متحدہ عرب امارات میں آج سے شدید بارش کی پیشگوئی
ابوظہبی(این این آئی)متحدہ عرب امارات میں بدھ کی شام سے جمعرات تک شدید بارش کی پیشگوئی کی گئی ہے۔غیرملکی خبررساں ادارے کے مطابق اماراتی...
جنگ بندی اور غزہ سے اسرائیلی افواج کا انخلا چاہتے ہیں، حماس
مقبوضہ بیت المقدس(این این آئی)حماس کے ترجمان عبدالطیف الکانو نے کہا ہے کہ ہمارے مطالبات جائز ہیں، مستقل جنگ بندی اور غزہ سے...
اسرائیل نے 40 روزہ جنگ بندی کی پیشکش کی ہے، برطانیہ
مقبوضہ غزہ(این این آئی)غزہ میں جنگ بندی معاہدے کی کوششیں جاری ہیں۔ غیرملکی خبررساں ادارے کے مطابق اس حوالے سے برطانوی وزیرخارجہ نے کہا...
اعلی امریکی سفارت کار کی شہزادہ محمد بن سلمان سے ریاض میں ملاقات
ریاض(این این آئی)سعودی ولی عہد اور وزیر اعظم شہزادہ محمد بن سلمان نے پیر روز امریکہ کے اعلی ترین سفارت کار انٹونی بلنکن سے...