اسلام آباد (این این آئی) وزیر خارجہ شاہ محمود قریشی نے کہا ہے کہ طالبان کو اگر بین الاقوامی برادری میں اپنی جگہ بنانی ہے تو انہیں امن ثابت کرنا ہو گا،طالبان بھی افغان ہیں، تمام فریقین نے فیصلہ کرنا ہے کہ کس طرح کا افغانستان چاہیے،طالبان امریکہ امن معاہدے میں پاکستان کا اہم کردار ہے،افغانستان کے حوالے سے پاکستان کا کردار تعمیری تھا اور آئندہ بھی رہے گا، اگر افغانستان میں حالات خراب ہوتے ہیں تو پاکستان متاثر ہو گا،بلاول لکھی ہوئی تقریر پڑھتے ہیں،بلاول بھٹو بچہ ہے، سیکھے گا اسے سمجھ آجائے گی۔ ایک انٹرویومیں انہوں نے کہا کہ طالبان کو دوسرے فریق میں یکسوئی نہیں دکھائی دے گی تو وہ کہیں گے کہ کس سے بات کریں؟انہوں نے کہا کہ مذاکرات کا عمل جاری ہے اور افغان وزیر داخلہ، وزیر دفاع کو تبدیل کردیا گیا،طالبان بھی افغان ہیں، تمام فریقین نے فیصلہ کرنا ہے کہ کس طرح کا افغانستان چاہیے۔شاہ محمود قریشی نے کہا کہ پاکستان اس خطے کا اہم ترین ملک ہے، طالبان امریکہ امن معاہدے میں پاکستان کا اہم کردار ہے۔ انہوںنے کہاکہ افغانستان کے حوالے سے پاکستان کا کردار تعمیری تھا اور آئندہ بھی رہے گا، اگر افغانستان میں حالات خراب ہوتے ہیں تو پاکستان متاثر ہو گا۔وزیر خارجہ نے کہا کہ پاک امریکہ آفیشل لیول پربات چیت ہوتی رہتی ہے لیکن بہتری کی گنجائش ہے، لنزے گراہم یا دیگر لوگوں کو یہ سوال پوچھنا چاہیے کہ پاکستان کو کیوں نظرانداز کیا جا رہا ہے۔چیئرمین پیپلز پارٹی سے متعلق انہوں نے کہا کہ بلاول بھٹو بچہ ہے، سیکھے گا اسے سمجھ آجائے گی، بلاول لکھی ہوئی تقریر پڑھتے ہیں۔
