اسلام آباد (این این آئی)وزیر مملکت اطلاعات و نشریات فرخ حبیب نے کہا ہے کہ مریم صفدر جھوٹ نہ بولے، اسحاق ڈار نے 8 مرتبہ سکوک بانڈ جاری کیے، سکوک بانڈ کیلئے 2018میں ایم ون، ایم ٹو ، ایم تھری موٹر وے،جناح ائیر پورٹ سمیت دیگر قومی اثاثے استعمال کیے۔ اپنے بیان میں وزیر مملکت فرخ حبیب نے کہا کہ 2008تا 2018تک پیپلز پارٹی اور مسلم لیگ ن نے 19مرتبہ ڈومیسٹک سکوک بانڈ جاری کیے، ان بانڈ کی مالیت 9کھرب36ارب34 کروڑ50 لاکھ (936345ملین) تھی یہ بانڈ 3سال بعد میچور ہوئے۔انہوں نے کہا کہ ن لیگی دور حکومت میں سال 2014, 2016 ,2017 میں 3000 ملین ڈالر کے انٹرنیشنل اجارہ سکوک بانڈ جاری کیے گئے۔
