ڈھاکہ (این این آئی)بنگلہ دیش میں ایک مسافر کشتی ڈوب جانے کے واقعے میں کم از کم 21 افراد ہلاک ہو گئے جب کہ پچاس سے زائد لاپتا ہیں۔ میڈیارپورٹس کے مطابق بتایا گیا ہے کہ حادثے کے وقت کشتی پر سو سے زائد مسافر سوار تھے۔ یہ حادثہ بیجوئی نگر کے قریب پیش آیا۔ مقامی پولیس کے مطابق پیش آنے والے اس واقعے کے بعد ریسکیو اہلکاروں نے 21 افراد کی لاشیں نکالیں، تاہم اس حادثے میں بچ جانے والے افراد کا کہنا تھا کہ اس کشتی پر قریب ایک سو افراد سوار تھے۔ مقامی اخبار ڈیلی نے ایک عینی شاہد کے حوالے سے بتایا کہ حادثے کی وجہ اس کشتی سے ایک کارگو کشتی کا ٹکرانا بنی، جس کے بعد یہ مسافر بردار کشتی تیزی سے غرق ہو گئی۔
