برسلز (این این آئی)یورپی یونین کی خارجہ پالیسی کے سربراہ جوسیپ بوریل نے بلاک کو خبردار کیا ہے کہ اسے بیرون ملک مشترکہ فوجی کارروائیوں کی بنیاد کے لیے ایک پختہ اور پْرعزم نظریے (ڈاکٹرائن) سے اتفاق کرنا ہوگا۔اس نئے نظریے کے تحت کسی جگہ وقتِ ضرورت تعیناتی کے لیے دستیاب ایک ہنگامی فورس بھی تشکیل دی جائے گی۔میڈیارپورٹس کے مطابق جوسیپ بوریل نے صحافیوں کو بتایا کہ”اسٹریٹجک کمپاس”کے نام اس فوجی نظریے کا پہلا مسودہ؛ یورپی یونین کوفوجی اصول کے قریب تربنانے اورنیٹو کے ”اسٹریٹجک تصور”کے مترادف ہوسکتا ہے۔یہ اتحاد کی سلامتی کے تحفظ کے لیے انتہائی اہم اہداف طے کرے گا۔بوریل نے یورپی یونین کی رکن 27 ریاستوں کو بحث کے لیے بھیجی گئی حکمت عملی دستاویز کے پیش لفظ میں کہا کہ ”یورپ خطرے میں ہے۔” انھوں نے صحافیوں سے گفتگو میں یہ بھی کہا کہ ہمیں تیزی سے فوج تعینات کرنے کی صلاحیتوں میں اضافے کی ضرورت ہے۔انھوں نے اس بات پر زوردیتے ہوئے کہاکہ ایک خیال یہ ہے کہ یورپی یونین کی 5000 ارکان پر مشتمل بحرانی سپاہ ہمہ وقت موجود ہو، اگرچہ امریکا کی قیادت میں نیٹواتحاد بنیادی طور پر یورپ کے اجتماعی دفاع کا ذمے دار ہے۔جوزسیپ بوریل کا کہنا تھا کہ ہماری ایک تزویراتی ذمے داری ہے۔ شہری تحفظ چاہتے ہیں۔دنیا کے سب سے بڑے تجارتی بلاک کی حیثیت سے یورپی یونین اقتصادی طور پرتوطاقتور ہے لیکن یہ سافٹ پاورکافی نہیں ہے۔انھوں نے مسودے کے پیش لفظ میں مزید لکھا کہ ہمیں درپیش تمام خطرات میں شدت آرہی ہے اوررکن ممالک کی انفرادی طورپران خطرات سے نمٹنے کی صلاحیت ناکافی اورکم ترہوتی جارہی ہے۔یورپی یونین کے وزرائے خارجہ اور وزرائے دفاع آیندہ پیر کو اس تجویز پرغورکریں گے۔اس کا مقصد مارچ میں ایک سیاسی دستاویز پراتفاق رائے پیدا کرنا ہے۔ستائیس یورپی ممالک میں انتہائی تربیت یافتہ فوجی اور سائبر، بحری اور فضائی فورسزموجود ہیں لیکن یورپی یونین کے تربیتی اور امدادی مشن کا حجم معمولی ہے۔رکن ممالک میں امریکا کی طرح لاجسٹکس اورکمان اور کنٹرول صلاحیتوں کا بھی فقدان ہے اور وہ اس کی انٹیلی جنس معلومات اکٹھا کرنے کی صلاحیت کا مقابلہ نہیں کر سکتے ہیں
مقبول خبریں
اسلام آباد شنگھائی تعاون تنظیم کے سربراہی اجلاس کے لیے بین الاقوامی مہمانوں کے...
اسلام آباد (این این آئی)چیئرمین کیپٹل ڈویلپمنٹ اتھارٹی (سی ڈی اے )محمد علی رندھاوا نے کہا کہ وفاقی دارالحکومت اسلام آباد شنگھائی تعاون تنظیم...
ایس سی او اجلاس کی میزبانی پاکستان کے لیے عالمی سطح پر ایک اہم...
اسلام آباد (این این آئی)شنگھائی تعاون تنظیم (ایس سی او) اجلاس کی میزبانی پاکستان کے لیے عالمی سطح پر ایک اہم سفارتی کامیابی...
عدالتی اصلاحات کیلئے سیاسی جماعتوں کے ساتھ ساتھ سول سوسائٹی میں اتفاق رائے پایا...
اسلام آباد (این این آئی)پاکستان پیپلزپارٹی کے چیئرمین بلاول بھٹو زرداری نے کہاہے کہ عدالتی اصلاحات کے لئے سیاسی جماعتوں کے ساتھ ساتھ سول...
پاک چین سدابہار تزویراتی تعاون وشراکت داری علاقائی امن اورخوشحالی کیلئے سنگ میل ہے،...
اسلام آباد (این این آئی)وزیراعظم محمدشہبازشریف نے کہاہے کہ پاک چین سدابہار تزویراتی تعاون وشراکت داری علاقائی امن اورخوشحالی کیلئے سنگ میل ہے۔پیرکوسماجی رابطہ...
حکومت پی ٹی آئی رہنماؤں کی انکے قائد سے ملاقات کروائے ، خواجہ سعد...
لاہور(این این آئی)مسلم لیگ ن کے سینئر رہنما خواجہ سعد رفیق نے کہا ہے کہ حکومت کو پی ٹی آئی رہنماؤں اور ان کے...