اسلام آباد (این این آئی) پاکستان مسلم لیگ (ن )کے کے رہنما طارق فضل چوہدری نے کہا ہے کہ بانی پی ٹی آئی کی رہائی کا مذاکرات سے کوئی تعلق نہیں،190ملین پاؤنڈ ریفرنس کا فیصلہ غیر مبہم ہے،بانی پی ٹی آئی کو اختیارات کے ناجائز استعمال اور کرپشن پر سزا ہوئی ہے، یہ کیس اختیارات کے ناجائز استعمال کا کیس ہے۔میڈیا سے گفتگو کرتے ہوئے انہوںنے کہاکہ پی ٹی آئی کے موقف کو بے نقاب کرنا بہت ضروری ہے۔ انہوںنے کہاکہ احتساب عدالت کے فیصلہ سنانے میں تاخیر تکنیکی بنیادوں پر ہوئی، کسی قسم کے مذاکرات نہیں ہو رہے تھے۔ انہوںنے کہاکہ بانی پی ٹی آئی جیل سے ضمانت پر ہی باہر آ سکتے ہیں۔ انہوںنے کہاکہ القادر ٹرسٹ میں ستر ارب روپے کی کرپشن ہوئی، شہزاد اکبر نے بھی پیسے لیے،برطانیہ کی کرائم ایجنسی کے ذریعے حکومت پاکستان کو دیئے گئے،القادر ٹرسٹ کیس میں منی لانڈرنگ کو پکڑا،بانی پی ٹی آئی نے کابینہ میں بند لفافے کی منظوری دی،ملک ریاض کو اڑھائی سو ارب روپے کا جرمانہ ہوا تھا ،ملک ریاض کا جرمانہ اور منی لانڈرنگ کا پیسہ حکومت پاکستان کو ملنا چاہیے تھا۔ انہوںنے کہاکہ القادر ٹرسٹ کیس میں جرمانے کی رقم کو ذاتی حیثیت میں استعمال ہوا،اس کیس میں شہزاد اکبر نے ککس بیکس لیں، اور 450 کینال زمین پر ٹرسٹ بنا کر بانی پی ٹی آئی اور انکی اہلیہ کو ٹرسٹی بنایا گیا۔ انہوںنے کہاکہ 190 ملین پاونڈ کیس میں بار بار جھوٹ بولا گیا،بانی پی ٹی نے عدم اعتماد سے بچنے کیلئے سائفر کا ڈرامہ کیا،پوری قوم کو سائفر کی پوری کہانی معلوم ہے، بانی پی ٹی آئی نے قوم اے جھوٹ بولا،۔انہوںنے کہاکہ جذباتی قوم نے گاڑیوں کے پیچھے لکھا کہ ہم کوئی غلام ہیں،ہم کوئی غلام ہیں کا نعرہ اچھا تھا، آج پی ٹی آئی امریکہ کی جانب دیکھ رہی ہے،ہم کوئی غلام ہیں کا مطلب امریکہ بانی پی ٹی آئی کو قید سے نجات دلائے اور پھر میں قوم کو امریکہ غلامی سے نجات دلاؤں گا۔ ڈاکٹر طارق فضل چوہدری نے کہاکہ ڈی چوک میں 278 لاشوں کاف شور مچانے کے بعد 12 لاشوں کی بات کی گئی۔انہوںنے کہاکہ پی ٹی آئی سیاسی جماعتوں سے لڑنے کے بجائے ریاست سے لڑ رہی ہے۔ انہوںنے کہاکہہم واحد اسلامی ملک ہیں جو ایٹمی طاقت ہے، ہمیں کئی ممالک پابندیوں میں جکڑنا چاہتے ہیں،ہم دست بدست طاقت سے کوئی نہیں ہرا سکتا، ریاستی اداروں کے خلاف ملک کے اندر اور باہر سازشیں ہو رہی ہیں
