اسلام آباد (این این آئی)وفاقی کابینہ کی اقتصادی رابطہ کمیٹی ( ای سی سی) نے وزارت خزانہ سمیت مختلف وزارتوں کے لیے اربوں روپے کی ضمنی گرانٹس کی منظوری دے دی۔میڈیا رپورٹ کے مطابق وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا جس میں ملک کی اقتصادی صورتحال کا جائزہ لیا گیا ہے، اجلاس میں مختلف وزارتوں کے لیے سپلیمنٹری گرانٹ منظور دی گئی ہے۔اجلاس میں وزارت خزانہ کے ترقیاتی اخراجات کیلیے اربوں روپے کے سپلیمنٹری گرانٹ منظور کرلی گئی، صادق پبلک اسکول بہاولپور کے لیے 25 کروڑ روپے کی سپلیمنٹری گرانٹ بھی منظور کی، کمیٹی نے سول فورسز کیلیے مشن ایریاز میں سرگرمیوں کے لیے سپلیمنٹری گرانٹ منطور کرلی۔ای سی سی نے وزارت پیٹرولیم کی طرف سے حاصل کیے گئے 50ارب روپے کے قرض کی گارنٹی میں توسیع کی منظوری بھی دے دی۔
