لاہور ( این این آئی) امریکی مائنر لیگ کرکٹ کی ٹیم ہیوسٹن ہریکینز کراچی میں کوئٹہ گلیڈی ایٹرز کے خلاف تین ٹی ٹونٹی میچز کی سیریز کھیلے گی۔ذرائع کے مطابق امریکی مائنر لیگ کرکٹ کے سنٹرل ڈویژن میں کھیلنے والی ہیوسٹن ہریکینز کے دورہ پاکستان کا نظر ثانی شدہ پروگرام جاری کردیا گیا۔مہمان ٹیم پی ایس ایل کی معروف فرنچائز کوئٹہ گلیڈی ایٹرز کے خلاف نیشنل سٹیڈیم کراچی میں تین ٹی ٹونٹی میچز کی سیریز کھیلے گی۔سیریز کا پہلا میچ 27جنوری کو کھیلا جائے گا، دوسرا میچ 28جنوری جبکہ تیسرا اور آخری مقابلہ 29جنوری کو ہو گا، یہ پہلا موقع ہو گا جب ریاست ہائے متحدہ امریکہہ کی کوئی ٹیم لیگ کی کسی فرنچائز سے مقابلہ کرے گی۔
