لاہور( این این آئی)سابق وزیر داخلہ شیخ رشید نے کہا ہے کہ 9مئی پرلوگ پشیمان ہیں سازش سے غلط تاثردیاجارہاہے کہ عوام اوراداروں میں دوری ہوچکی ،گلی محلے سے بیگناہ بچے اٹھائیں گے توماں کی بدعا ئیں لگیں گی، نفرت اوربے چینی میں اضافہ ہورہاہے جسے ختم ہوناچاہیے ،غریب مٹی ملاآٹاکھارہاہے ،نوازشریف گھرسے باہر قدم نہیں رکھ سکتااس لیے پاکستانی اورسیزکو ڈرایاجارہاہے۔ ٹوئٹر پر جاری اپنے بیان میں شیخ رشید نے کہا کہ عمران خان کونااہل یامائنس کرناہے توپھرپی ڈی ایم نے کس کے ساتھ الیکشن لڑناہے ،ظلم کانظام نہیں چل سکتا،چادراورچاردیواری کوروندنے والی (ن)لیگ دفن اور پی ڈی ایم کاکفن ہوگا،خداکے ہاں دیرہے اندھیر نہیں، کرپٹ حکومت کو سپورٹ نہ دی جائے ،پہلے ہی غریب مررہاہے ،ڈالربڑھ رہاہے ،اب داوئیوں کی قیمت میں مزید20فیصد اضافہ کردیا گیاہے۔ انہوں نے کہا کہ میری اورمیرے بھتیجے شیخ راشدشفیق کی گرفتاری کیلئے پولیس جگہ جگہ چھاپے ماررہی ہے ،میرے سٹاف کواٹھاکرلے گئے ہیں، جب تک پولیس گرفتارنہیں کرلیتی ٹوئٹرکے ذریعے قوم سے رابطہ رکھوں گا ۔ انہوں نے کہاکہ صرف سپریم کورٹ سیاسی بحران سے نکال سکتی ہے،آئی ایم ایف سے معاہدے میں ناکامی ،بجٹ ،بحران ، معیشت تباہ ہے دوست ملکوں سے کٹی ہے ،یہ اس حکومت کی کارکردگی ہے ۔
