واشنگٹن(این این آئی)امریکہ نے امریکی شہریوں کو تنبیہ کی کہ وہ لبنان کا سفر نہ کریں اور محکم خارجہ نے ملک میں سکیورٹی کی غیر متوقع صورتحال کی وجہ سے غیر ہنگامی سرکاری اہلکاروں کی روانگی کی اجازت دے دی۔غیرملکی خبررساں ادارے کے مطابق محکمہ خارجہ نے بیروت میں امریکی سفارت خانے کے لیے کچھ غیر ہنگامی اہلکاروں اور اہلیت کے حامل افرادِ خانہ کی روانگی سے متعلق سفری ہدایات کو سطح 4 تک بڑھا دیا۔محکمہ خارجہ نے کہا کہ جس سکیورٹی صورتحال کا حوالہ دیا گیا وہ اسرائیل اور حزب اللہ یا دیگر مسلح عسکریت پسند گروہوں کے درمیان راکٹ، میزائل اور توپ خانے کے تبادلے کے نتیجے میں پیدا ہوئی۔ہدایات میں کہا گیا کہ دہشت گردی، شہری بدامنی، مسلح تصادم، جرائم، اغوا، اور امریکی شہریوں کو مدد فراہم کرنے کے لیے بیروت سفارت خانے کی محدود صلاحیت کی بنا پر لبنان کے سفر پر نظرِ ثانی کریں۔امریکی حکام نے کہا کہ سفری انتباہ فعال تھا اور یہ کسی خاص انٹیلی جنس کی علامت نہیں تھی جو لبنان میں حالات کے خراب ہونے کا اشارہ دے رہی تھی۔
