بیجنگ (این این آئی)وزیر تجارت ڈاکٹر گوہر اعجاز نے چین کے دورے کے دوران اعلیٰ حکام سے اہم ملاقاتیں کیں جس میں دوطرفہ تجارت بڑھانے سمیت مختلف امورپر تبادلہ خیال کیا گیا ۔وزارت تجارت کے حکام کے مطابق وزیر تجارت ڈاکٹر گوہر اعجاز اس وقت چین میں 20 رکنی وفد کی قیادت کر رہے ہیں،یہ دورہ اکتوبر میں وزیر اعظم انوار الحق کاکڑ کے چین کے دورے کے بعد ایک اہم قدم ہے جس سے پاکستان اور چین کے درمیان اقتصادی تعلقات کو مضبوط بنانے کے عزم کو مزید تقویت ملی ہے۔ وزیر ڈاکٹر گوہر اعجاز کی قیادت میں وفد چینی ہم منصبوں کے ساتھ ملاقاتوں میں مصروف ہیں جس کا مقصد پاک چین تجارتی تعلقات کو بہتر بنانا اور باہمی تعاون کے مواقع کی نشاندہی کرنا ہے۔ یہ ملاقاتیں وزیر تجارت کے وڑن کے مطابق چین کے ساتھ تجارتی توازن کو بہتر بنانے پر مرکوز ہے، وفد اقتصادی تعاون کو بڑھانے کے مواقع تلاش کر رہا ہے۔ وزیر تجارت ڈاکٹر گوہر اعجاز کی چائنہ چیمبر آف کامرس فار امپورٹ اینڈ ایکسپورٹ آف ٹیکسٹائل کے چیئرمین ژانگ زنمن سے ملاقات ہوئی۔ اس ملاقات کا مقصد پاکستان اور چین کے درمیان ٹیکسٹائل کی تجارت کو فروغ دینا تھا، خاص طور پر تجارتی عدم توازن کو دور کرنے پر زور دیا گیا تھا۔ بات چیت میں پاکستانی برآمدات کو فروغ دینے اور تجارتی لین دین کو آسان بنانے کیلئے چین میں نئی منڈیوں تک رسائی کی حکمت عملی شامل تھی اس سلسلے کو جاری رکھتے ہوئے، وزیر ڈاکٹر گوہر اعجاز نے COFCO گروپ کے صدر لوان رچینگ سے ملاقات کی، جو چین کے فوڈ پروسیسنگ کے شعبے میں ایک اہم کھلاڑی ہے۔ COFCO چین کے سب سے بڑے فوڈ پروسیسر، صنعت کار اور تجارتی گروپ کی پوزیشن رکھتا ہے،میٹنگ غیر ٹیکسٹائل برآمدات کو بڑھانے کے لیے پاکستان کی حکمت عملی کا ایک اہم حصہ ہے۔ اس کے ساتھ، وفد نے بزنس ٹو بزنس (B2B) ملاقاتوں کا ایک سلسلہ منعقد کیا، جس سے پاکستانی اور چینی تاجروں کو ملاقات کا پلیٹ فارم فراہم کیا گیا جو دونوں ممالک کے درمیان تجارتی تعلقات کو مضبوط کرے گا۔ وزیر ڈاکٹر گوہر اعجاز نے پاکستان کی خوشحالی کے لیے چھوٹے اور درمیانے درجے کے کاروباری اداروں (SMEs) کی نشاندہی کرتے ہوئے نجی شعبے کے تعاون کی اہمیت پر زور دیا۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...