لاہور(این این آئی)پنجاب میں نمونیا سے سنگین صورتحال برقرار ، بیماری سے مزید 9 بچے زندگی کی بازی ہار گئے۔میڈیا رپورٹ کے مطابق پنجاب میں گزشتہ 24 گھنٹوں کے دوران نمونیا کے 773 جبکہ لاہور میں 197 نئے کیسز رپورٹ ہوئے، لاہور میں 24 گھنٹے کے دوران نمونیا سے ایک ہلاکت رپورٹ ہوئی۔پنجاب میں رواں سال نمونیا سے 362 اموات اور لاہور میں 62 اموات رپورٹ ہوئیں، جبکہ ملک کے سب سے بڑے صوبے میں رواں برس نمونیا کے 26 ہزار 711 کیسز سامنے آئے اور لاہور میں 5 ہزار 719 کیسز رپورٹ ہوئے۔ماہرینِ صحت کے مطابق پنجاب میں نمونیا کے بڑھتے ہوئے کیسز کی بڑی وجہ رواں سال موسمِ سرما میں فضائی آلودگی کی وجہ سے پیدا ہونے والی اسموگ بھی ہے۔
