بغداد(این این آئی)بغداد بم دھماکے کے بعد عراقی وزیراعظم مصطفی الکاظمی نے سیکیورٹی فورسز کے ڈھانچیمیں تبدیلیوں کے احکامات جاری کردیئے،عراقی جنرل کمانڈ کے ترجمان یحیی رسول نے غیرملکی خبررساں ادارے سے بات چیت کرتے ہوئے کہاکہ وزیراعظم الکاظمی نے سیکیورٹی اداروں کے بنیادی ڈھانچے میں تبدیلیوں کے احکامات دئیے۔عراقی داخلہ سیکرٹری داخلہ برائے انٹیلی جنس عامر صدام کو ان کے عہدے سے ہٹا دیا گیا اور ان کی جگہ احمد ابو رغیف کو سیکرٹری داخلہ برائے انٹیلی جنس مقرر کیا گیا ہے۔وزیراعظم نے وزارت داخلہ کے ڈائریکٹر جنرل برائے انٹیلی جنس عبدالکریم عبد فاجل کو بھی اس کے عہدے سے ہٹا دیا گیا۔ ان کی جگہ حمید الشطری کو مسلح افواج میں ڈائریکٹر جنرل برائے انٹیلی جنس مقرر کیا گیا ہے۔بغداد آپریشنز کمانڈ کے سربراہ قیس المحمداوی کو وزارت دفاع بلالیا گیا ہے۔فیڈرل پولیس چیف جعفر البطاط کو بھی ان کے عہدے سے ہٹا دیا گیا ہے اور ان کی جگہ میجر شاکر جود کو فیڈرل پولیس چیف مقرر کیا گیا ہے۔انٹیلی جنس ڈائریکٹر اپریشنز بغداد باسم مجید کو بھی ان کے عہدیسے ہٹا دیا گیا ہے۔ٹویٹر پر پوسٹ کردہ ایک بیان میں الکاظمی کا کہنا تھا کہ عراقی عوام کاخون بہانے والوں سے آہنی ہاتھوں سے نمٹا جائے گا۔
