اسلام آباد (این این آئی)سیکرٹری اطلاعات پیپلزپارٹی پارلیمنٹرینز شازیہ مری نے کہا ہے کہ حکومت ایف اے ٹی ایف کے بارے قوم کو حقائق سے آگاہ کرے ۔ اپنے بیان میں انہوںنے کہاکہ وہ کون سے شرائط ہیں جو پوری کرنے کیلئے اسرار کیا جا رہا ہے ،صرف وزیراعظم ہی نہیں ان کی ساری ٹیم نالائق ہے ۔ انہوںنے کہاکہ کیا عمران خان کا طالبان سے نرم گوشہ اصل معاملہ ہے ،آج تک دہشت گردوں کے مالی سہولت کاروں کو انصاف کے کٹہرے میں نہیں لایا گیا، جعلی اکاونٹس کا ڈھنڈھورا پیٹ کر دنیا کی آنکھوں میں دھول جھونکنے کی کوشش کی گئی ۔انہوںنے کہاکہ جعلی اکاونٹس ڈرامے کی آڑ میں سیاسی مخالفین کو انتقام کا نشانہ بنایا گیا ۔
