اسلام آباد (این این آئی)الیکشن کمیشن نے وفاقی وزیر فیصل واڈا کے وکیل کو آئندہ سماعت پر پیش ہونے کاآخری موقع دیدیا ۔ پیر کو الیکشن کمیشن میں وفاقی وزیر فیصل واڈا کے خلاف نااہلی کی درخواستوں پر سماعت چیف الیکشن کمشنر کی سربراہی میں چار رکنی کمیشن نے کی ۔ فیصل واڈا کی جانب سے کوئی بھی الیکشن کمیشن میں پیش نہ ہوا، درخوارست گزار کے مطابق فیصل واڈا نے ریٹرننگ افسر کو امریکن پاسپورٹ نہیں دکھایا۔ الیکشن کمیشن ممبر خیبر پختون خوا نے کہاکہ آپکا کیس اسلام آبادہائی کورٹ میں بھی چل رہا ہے۔الیکشن کمیشن نے فیصل واڈا کے وکیل کو آئندہ سماعت پر پیش ہونے کا آخری موقع دے دیا۔ چیف الیکشن کمشنر نے کہاکہ رسپانڈنٹ کا سماعت پر ہونا ضروری ہے۔الیکشن کمیشن نے وفاقی وزیر فیصل واڈا کے خلاف نااہلی کیس کی سماعت 24 نومبر تک ملتوی کر دی۔
