واشنگٹن (این این آئی)امریکی صدر جو بائیڈن نے نیومیکسیکو میں پاکستانیوں سمیت چارایشیائی نژاد مسلمانوں کے قتل پرگہرے دکھ اورافسوس کا اظہارکیا ہے اوران کی ہلاکتوں کی مذمت کی ہے۔میڈیارپورٹس کے مطابق امریکی صدر نے ٹویٹر پر کہا کہ ریاست کے شہرالبوکرک میں چار مسلمان افراد کی ہولناک ہلاکتوں پرمیں رنج وغم میں مبتلاہوں۔انھوں نے کہا کہ اگرچہ ہم مکمل تحقیقات کے منتظر ہیں مگرمیری دعائیں متاثرہ خاندانوں کے ساتھ ہیں اور میری انتظامیہ مسلم کمیونٹی کے ساتھ پختگی سے کھڑی ہے۔ان نفرت انگیز حملوں کی امریکا میں کوئی جگہ نہیں ہے۔
