ممبئی (این این آئی)بالی ووڈ اداکارہ کرینہ کپور نے نئی دہلی میں ایک تقریب میں شرکت کی اور اپنی نجی اور پیشہ ورانہ زندگی کے متعلق گفتگو کی۔کرینہ نے انکشاف کیا کہ ان کے خاوند سیف علی خان عمدہ کھانے پکاتے ہیں۔ان کا کہنا تھا کہ ہم کوشش کرتے ہیں چھٹی کے دن کام نہ کریں، گھر پر وقت گزاریں۔کرینہ کپور نے کہا کہ تیمور اکثر کہتا ہے کہ اسے اپنے دوستوں سے ملنا ہے، اس سے ثابت ہوتا ہے کہ وہ بڑا ہو رہا ہے۔ان کا کہنا تھا کہ سیف بہترین کھانا پکاتے ہیں، انہیں ہر طرح کے پکوان بنانا آتے ہیں جیسے پاستا، پیزا وغیرہ۔کرینہ نے کہا کہ ہم کوئی ترکیب ایک ساتھ دیکھتے ہیں اور اس کے بعد اسے پکانے کی کوشش کرتے ہیں۔ان کا کہنا تھا کہ ہم گھر کے پنچھی ہیں، لوگوں کو ریسٹورینٹ میں دعوت دینے کے بجائے گھر بلا کر کھانا کھلاتے ہیں۔کرینہ نے مزید کہا کہ میرے پاس ایک خاوند اور باورچی ہے جو میرے لیے گھر میں کھانا پکاتا ہے، میں تو پانی بھی نہیں ابال سکتی۔
