لاہور( این این آئی)مزاحیہ ٹی وی شو کے میزبان تابش ہاشمی نے کہا ہے کہ میں کیوں کپل شرما بنوں گا ،مجھے پاکستان کا تابش ہاشمی بننا ہے اور مجھے اس پر فخر ہے ۔ ایک انٹر ویو میں تابش ہاشمی نے کہا کہ یہ کہنا کہ ہم کپل شرما شو کی کاپی کرتے ہیں انتہائی مضحکہ خیز ہے ،کپل شرما شو کرنے کے لئے مجھے کم از کم ایک مہینے کے پانچ ، چھ کروڑ روپے ملنے چاہئیں،کپل شرما شو کی ایک ہفتے کی ریہرسل ہوتی ہے اور پھر ایک شو شوٹ ہوتا ہے جبکہ میں ہفتے میں تین دن شوٹ کرتا ہوں ، ہم مہمانوں کے ساتھ بغیر اسکرپٹ کے بات کرتے ہیں ۔میں کپل شرما نہیں بن سکتا اور میں کیوں بنوں گا ،میں نے پاکستان کا تابش ہاشمی بننا ہے اور مجھے اس پر فخر ہے ۔
