مقبوضہ غزہ (این این آئی)غزہ میں جاری جنگ کے چوتھے ماہ کے آغاز پر دو مزید صحافیوں کی ہلاکت پراقوام متحدہ نے تشویش کا اظہار کیا ہے۔ ان دونوں کو کار پر جاتے ہوئے اسرائیلی فوج نے ٹارگیٹڈ بمباری کا نشانہ بنایا تھا۔غیرملکی خبررساں ادارے کے مطابق اقوام متحدہ کے انسانی حقوق کمیشن کی طرف سے سوشل میڈیا پلیٹ فارم ایکس پر کہا گیا کہ غزہ میں صحافیوں کی بڑی تعداد میں ہلاکتوں پر بہت تشویش ہے۔ انسانی حقوق کمیشن نے مزید کہا کہ صحافیوں کی ہلاکت، بشمول حمزہ وائل الدحدوح اور مصطفی ابو ثریا کی اسرائیلی فوج کے ہاتھوں ہلاکت کی غیر جانبدارانہ تحقیقات ہونی چاہئیںکہ انہیں کار پر جاتے ہوئے کیوں بمباری سے ہلاک کیا گیا۔ بین الاقوامی قانون کی خلاف ورزی پرکارروائی کی جائے۔
