کابل(این این آئی )افغان وزارت دفاع نے کہا ہے کہ خیبر پختونخوا کے ضلع سوات کے علاقے بشام میں 26 مارچ کو چینی باشندوں پر ہونے والے حملے میں ہمارے شہری ملوث نہیں ۔غیرملکی خبررساں ادارے کے مطابق اپنے ایک بیان میں افغان وزارت دفاع کے ترجمان عنایت اللہ خوارزمی نے کہاکہ امارت اسلامیہ نے اس معاملے پر چین کو بھی یقین دہانی کرائی ہے۔انہوں نے مزید کہا کہ افغانستان، پاکستان کے استحکام اور سلامتی کو اپنے اور خطے کے مفاد میں سمجھتا ہے اور دونوں ممالک کے عوام کے درمیان بھائی چارے اور اچھے تعلقات پر یقین رکھتا ہے۔
