اسلام آبا د(این این آئی)پاکستان تحریک انصاف کے رہنما اسد عمر نے کہا ہے کہ الیکشن کمیشن کو اچھا مشورہ ہے کہ وہ ایک سیاسی جماعت کا انتخابی نشان خود کو بھی دیدے۔اسد عمر نے اپنے ایک بیان میں کہا کہ پی اے سی میں خاتون سے متعلق الزامات کا مجھے علم نہیں پہلی مرتبہ یہ بات سن رہا ہوں۔انہوں نے کہا کہ رانا ثناء اللّٰہ کو کسی سیاسی کیس میں نہیں پکڑا تھا، ان کے خلاف اے این ایف کے حاضر سروس افسروں نے کیس بنایا تھا۔اسد عمر نے کہا ہ عمران خان کی مقبولیت بڑھتی جا رہی ہے، پنجاب کے ضمنی انتخابات کی تیاری زوروں پر ہے۔اسد عمر نے حالیہ پنجاب حکومت سے متعلق کہا کہ کورٹ کے آرڈر کے مطابق پنجاب کی حکومت غیر آئینی ہے، پنجاب حکومت جانے کو تیار نہیں اور سرکاری مشینری استعمال ہو رہی ہے۔انہوںنے کہاکہ اینٹ سے اینٹ بجانے کا کہنے والے ابھی بھی حکومت کا حصہ ہیں، اداروں کے خلاف سب سے زیادہ بات کرنے والے خواجہ آصف وزیرِ دفاع بنے بیٹھے ہیں۔اسد عمر نے کہا کہ ہمارے لوگوں کو دھمکیاں مل رہی ہیں، پی ٹی آئی کی لڑائی ناانصافی اور بیرونی مداخلت کے خلاف ہے، کسی کی ذات کے خلاف نہیں۔
