ابھیشیک بچن ، بالی ووڈ کی امیر ترین شخصیات میں شامل

ممبئی(این این آئی) بھارتی فلم انڈسٹری کے بے تاج بادشاہ لیجنڈ امیتابھ بچن کے صاحبزادے ابھیشیک بچن نے نہ صرف اپنی اداکارانہ صلاحیتوں سے ایک شاندار کیرئیر بنایا ہے بلکہ ان کی کامیابیاں صرف سلور اسکرین تک ہی محدود نہیں ہیں۔بھارتی میڈیا رپورٹ کے مطابق ابھیشیک بچن بالی ووڈ کا ‘بگ بیل’ ہے جن کی جائیداد کی مجموعی مالیت 280 کروڑ روپے سے زائد ہے، ابھیشیک کی دولت ان کی فلم اور ویب شو کی آمدنی سے کہیں زیادہ ہے۔ان کے اثاثوں میں بڑے پیمانے پر ریئل اسٹیٹ میں سرمایہ کاری، اسپورٹس ٹیموں کی ملکیت اور مختلف کاروباری منصوبے شامل ہیں جو ان کے عمدہ کاروباری شعور اور وسیع تر دلچسپیوں کو ظاہر کرتے ہیں۔زیر نظر مضمون میں ابھیشیک بچن کی دولت اور ان کی سرمایہ کاری سے متعلق کے دیگر پہلوؤں کا تفصیل سے جائزہ لیا گیا ہے۔جون 2024 میں ابھیشیک بچن نے ممبئی کے بوریولی علاقے میں 15 کروڑ روپے کی قیمت میں چھ اپارٹمنٹس خریدے۔ اس کے علاوہ انہوں نے اس سے پہلے اسکائی لارک ٹاورز میں 41.14 کروڑ روپے میں ایک لگڑری 5ـبی ایچ کے اپارٹمنٹ بھی خریدا تھا۔ یہ جائیدادیں ان کی رئیل اسٹیٹ میں بڑی سرمایہ کاری کو نمایاں کرتی ہیں۔ابھیشیک بچن دبئی کے جمیرہ گالف اسٹیٹس میں ایک پْرتعیش ولا کے بھی مالک ہیں، جو شہر کے مہنگے ترین علاقوں میں شمار کیا جاتا ہے۔ یہ پراپرٹی ان کے اعلیٰ معیار کے جائیدادوں میں دلچسپی کو ظاہر کرتی ہے۔