ممبئی (این این آئی)بالی ووڈ کے سینئر ورسٹائل اداکار انیل کپور نے کہا ہے کہ مجھے کئی بین الاقوامی پروگرامز کی پیشکش ہوئی لیکن میرے لیے کیریئر سے زیادہ فیملی اہم ہے، اس لیے ان کو انکار کرنا پڑا۔65 سالہ اداکار نے کہا کہ میں نے برطانیہ میں کئی پروگرامز کیے اور تمام بڑے پلیٹ فارمز سے مجھے پیشکش ہوئی لیکن کبھی کبھار ایک پروگرام آپ کا بہت زیادہ وقت لیتا ہے۔انیل کپور نے کہا کہ آپ کو طے کرنا پڑتا ہے کہ کیا آپ زندگی کے اس حصے میں کام کے لیے فیملی سے دور رہ سکتے ہیں؟ان کا کہنا تھا کہ جب مجھے بین الاقوامی پروگرامز کی پیشکش ہوئی تو میں نے کہا میری ترجیح بھارت میں رہنا ہے، جو کچھ کروں گا یہیں کروں گا۔انہوں نے کہا کہ اگر کوئی بہت ہی بڑا پراجیکٹ ہوتا ہے تو میں فیملی سے رضامندی لیتا ہوں، اگر وہ مان جاتے ہیں تو میں حامی بھرتا ہوں۔انیل کپور نے کہا کہ پہلے میں فیملی سے نہیں پوچھتا تھا لیکن اب میں ان سے معلوم کرتا ہوں کہ اگر وہ اجازت دیں تو میں چند مہینے باہر رہ سکتا ہوں؟
