اسلام آباد (این این آئی)فوج مخالف بیان دینے والے پاکستان تحریک انصاف کے مزید ورکرز نے معذرت کرلی۔ پی ٹی آئی کے مزید ورکرز نے مؤقف اختیار کیا کہ غلطی سے فوج کے خلاف پوسٹ شیئر کی۔مزید بر آں پی ٹی آئی ورکرز نے آئندہ ملکی اداروں کے خلاف ہرزہ سرائی نہ کرنے کا وعدہ بھی کیا۔یاد رہے کہ اس سے قبل فوج مخالف بیان دینے والے پی ٹی آئی کے ایک اور کارکن نے معذرت کی تھی۔محمد شبیرکا کہنا تھاکہ مجھ سے سنگین غلطی کا احساس ہوگیا، میرے بیان سے اگر کسی کی دل آزاری ہوئی ہے تو معذرت خواہ ہوں، آئندہ ایسی غلطی نہیں کروں گا۔اس سے قبل بھی 2 پی ٹی آئی کارکنان نے فوج مخالف مہم میں شامل ہونے کا اعتراف کیا تھا اور معافی مانگی تھی۔
