لاہور( این این آئی)اداکارہ مہک نور نے کہا ہے کہ مجھے آج بھی ڈانس سے زیادہ اداکاری کرنے کا شوق ہے مگر مجھے میرے ڈانس کی وجہ سے ڈراموں اور فلموں میں کاسٹ کیا جاتا ہے ۔ایک انٹر ویو میں اداکارہ نے کہا کہ ذاتی طو رپر مجھے اداکاری کرنا اچھا لگتا ہے اور میری خواہش ہے کہ مستقبل میں مجھے ڈراموں اور فلموں میں بھرپور اداکاری کرنے کا موقع ملے ۔انہوں نے کہا کہ شوبز کی دنیا میں حسد عام سی بات ہے ،یہاں پر اکثر لوگوں کے رنگ گورے لیکن دل کالے ہوتے ہیں ،یہاں کے لوگوں کے قول و فعل میں ہمیشہ تضا نظر آئے گا، یہ آپ کے منہ پر اور اور پیٹھ پیچھے کچھ اور ہوں گے ۔ انہوں نے کہا کہ کافی مرتبہ ایسا ہوا ہے کہ سینئر اداکاروں نے مجھے ڈرامے سے کٹ کرانے کی کوشش بھی کی لیکن میں نے خاموشی اختیار کی اور صبر کیا جس کا پھل مجھے کامیابی کی صورت میں ملا۔
