لاہور( این این آئی) سینئر اداکار معمر رانا نے کہاہے کہ بلا تعطل فلمیں بنیں گی تو سنیمائوں کی رونق میں اضافہ ہوگا،معیار اچھا ہو تو کم بجٹ کی فلمیں بھی زیادہ کامیاب ہو سکتی ہے اور فلم ”چوڑیاں ”کی کامیابی اس کا منہ بولتا ثبوت ہے ۔ ایک انٹر ویو میں معمر رانا نے کہا کہ ہماری فلم انڈسٹری میں پوٹینشل ہے ، ہمیں اپنی سمت کا تعین کرنا ہوگا، فارمولہ فلموں سے جان چھڑانا ہو گی ، لکھنے والو ں کو اس پر توجہ مرکوز کرنی ہے کہ جب لوگوں کے ہاتھ میں اینڈرائیڈ موبائل کی صورت میں سینما سے بڑھ کر انٹرٹینمنٹ موجود ہے تو انہیں ایسا کیا لکھنا چاہیے کہ لوگ اسے چھوڑ کر سینما کی طرف آئیں۔ معمر رانا نے کہا کہ ضروری نہیں ہے کہ ہم بڑے بجٹ کی ہی فلمیں بنائیں کم بجٹ کی فلمیں بھی آج کے دور میں بھی زیادہ کامیاب ثابت ہوسکتی ہیںلیکن فلم کا معیارا چھا ہونا چاہیے جو کہ لوگوں کو سینما گھروں میں واپس آنے پر مجبور کر دے ، ” چوڑیاں ” کم بجٹ کی فلم تھی لیکن اس کے کامیابی کے تمام ریکارڈ توڑے ۔
