لاہور(این این آئی)انسداد دہشتگردی کی خصوصی عدالت نے کالعدم جماعت الدعو ة کے سربراہ پروفیسر حافظ سعید سمیت 6رہنمائوں کو ایک اور مقدمے میں سزائیں سنا دیں۔انسداد دہشتگردی کی خصوصی عدالت نمبر 3 کے جج اعجاز احمد بٹر کی جانب سے حافظ سعید، حافظ عبدالسلام ، پروفیسر ظفر اقبال، محمد اشرف اور یحیی مجاہد کو ساڑھے پندرہ، پندرہ سال جبکہ پروفیسر حافظ عبدالرحمن مکی کو چھ ماہ قید کی سزا سنائی گئی۔ کالعدم جماعت الدعو ة کی طرف سے جاری تفصیل کے مطابق مذکورہ رہنمائوں کو دو، دو لاکھ جرمانہ بھی ادا کرنا ہو گا۔واضح رہے کہ اس سے قبل بھی حافظ سعید سمیت دیگر کو مختلف مقدمات کے فیصلے سنائے جا چکے ہیں، اے ٹی سی عدالتوں میں جماعت الدعو رہنماں کیخلاف مزید کئی مقدمات زیر سماعت ہیں۔
