اسلام آباد(این این آئی)ملک میں کورونا سے مزید 55 افراد انتقال کر گئے جبکہ 2123نئے کیسز رپورٹ ہوئے۔سرکاری پورٹل کے مطابق گزشتہ 24گھنٹوں کے دوران ملک بھر میں کورونا کے 39450ٹیسٹ کیے گئے جن میں سے 2123 افراد میں کورونا وائرس کی تصدیق ہوئی جب کہ وائرس سے 55 ہلاکتیں ہوئیں۔پورٹل کے مطابق ملک میں کورونا سے ہلاکتوں کی تعداد 10772ہوگئی ہے اور مجموعی کیسز 5لاکھ 8824تک جاپہنچے ہیں جب کہ فعال کیسز کی تعداد 33102 ہے۔24گھنٹوں کے دوران ملک بھر میں 2973مریض کورونا سے صحتیاب بھی ہوئے جس کے بعد مجموعی طور پر صحتیاب ہونے والوں کی تعداد 464950 ہو گئی ہے۔سرکاری پورٹل کے مطابق سندھ میں کورونا کے مریضوں کی مجموعی تعداد 228949 ہوگئی ہے جب کہ 3730 افراد اب تک انتقال کرچکے ہیں۔پنجاب میں کورونا کے کل مریضوں کی تعداد 146525ہے اور 4323افراد وائرس میں مبتلا ہو کر جان سے جا چکے ہیں جب کہ بلوچستان میں مریضوں کی کل تعداد 18467اور ہلاکتیں 188ہوچکی ہیں۔خیبرپختونخوا میں کورونا کے مریضوں کی تعداد 62018اور 1748ہلاکتیں ہوچکی ہیں جب کہ آزاد کشمیر میں 8521افراد وائرس میں مبتلا ہوچکے ہیں اور 235افراد انتقال کرگئے۔اس کے علاوہ گلگت بلتستان میں اب تک کورونا کے مریضوں کی تعداد 4882اور 101افراد انتقال کرچکے ہیں۔پورٹل کے مطابق وفاقی دارالحکومت اسلام آباد میں کورونا کے مریضوں کی مجموعی تعداد 39462ہے اور اب تک 447 مریض انتقال کرچکے ہیں۔
