اسلام آباد(این این آئی)پاکستان مسلم لیگ ن کے رہنما اور وزیر دفاع خواجہ آصف کا کہنا ہے کہ پی ٹی آئی عمران خان سے سیاسی ملاقات کیلئے سہولت کاری چاہتی ہے اس لئے بلیک میل کررہی ہے۔وزیر دفاع خواجہ آصف نے ایکس (ٹوئٹر ) پر جاری بیان میں لکھا کہ جب سابق وزیراعظم نوازشریف قید تھے توانہیں اپنی بیوی( کلثوم نواز) سے فون پر بات کرنے کی اجازت نہ دی گئی اور وہ اسی حال میں دنیا سے رخصت ہو گئیں۔ وزیردفاع خواجہ آصف کی ٹوئٹ کے مطابق پاکستان تحریک انصاف ( پی ٹی آئی ) بلیک میل کر رہی ہے کہ بانی پی ٹی آئی سے سیاسی ملاقات کیلئے سہولت کاری چاہیے ورنہ شنگھائی تعاون تنظیم (ایس سی او)کانفرنس کو سبو تاڑ کیا جائے گا۔انھوں نے مزید لکھا کہ بانی پی ٹی آئی عمران خان سے ملاقات کے لیے اولاد کو لندن سے بلایا جا رہا ہو تو پھر بات بنتی ہے۔
پاکستان مسلم لیگ ن کے رہنما اور وزیر دفاع خواجہ آصف کا کہنا ہے کہ پی ٹی آئی عمران خان){kind=link}