ممبئی (این این آئی)بالی ووڈ کنگ شاہ رخ خان نے سائوتھ انڈین فلموں کے مشہور اداکاروں سے ایک انوکھی فرمائش کی ہے۔شاہ رخ خان نے حال ہی میں دبئی کے گلوبل ولیج میں منعقد ہونے والی ایک تقریب میں شرکت کی جس کی ویڈیوز اور تصاویر سوشل میڈیا پر گردش کر رہی ہیں۔ انہوں نے اس تقریب کے دوران اپنے مداحوں سے سائوتھ انڈین اداکاروں کے بارے میں بات کی۔اداکار نے کہا کہ سائوتھ انڈین فلم انڈسٹری میں میرے بہت سارے دوست ہیں، الو ارجن، پربھاس، رام چرن، یش، مہیش بابو، وجے تلاپتھی، رجنی کانت سر، کمل ہاسن سر اور میری ان سے ایک درخواست ہے۔انہوں نے مزید کہا کہ انہیں اتنا تیز ڈانس نہیں کرنا چاہیے کیونکہ اس طرح میرے لیے ان کے ساتھ رہنا مشکل ہے۔شاہ رخ خان کے ساوتھ انڈین اداکاروں سے متعلق اس مزاحیہ بیان پر تقریب میں موجود شرکا ہنسنے لگے۔
