اسلام آباد (این این آئی)نگران وزیراعظم انوارالحق کاکڑنے ورلڈ ایتھلیٹکس چیمپئن شپ میں جیولین تھرو کے مقابلے میں چاندی کا تغمہ جیتنے پر ارشد ندیم کومبارکباد دی ہے۔ پیرکواپنے ایک ٹوئٹ میں وزیراعظم نے کہاکہ پوری قوم کو ارشد ندیم پرفخر ہے ، ارشد ندیم نے چاندی کا تمغہ جیت کر قوم کا سر فخر سے بلند کردیا ہے۔ انہوں نے کہاکہ ارشد ندیم کی زبردست کارکردگی نے قوم کیلئے خوشیوں کا سامان پیدا کیا ہے۔
