ارومچی (این این آئی)نگران وزیراعظم انوارالحق کاکڑ نے کہا ہے کہ پاکستان اور چین کی دوستی کامنفرد رشتہ اعتماداور باہمی احترام کی بنیاد پر استوار ہے،سنکیانگ صرف تجارتی اور مواصلاتی راہداری نہیں بلکہ دو عظیم قوموں کو جوڑنے کاباعث بھی ہے،سی پیک نئے دور میں داخل ہو چکا ہے، سی پیک بی آر آئی کے تحت ایک جامع منصوبہ ہے،دونوں ملکوں کے عوام کے درمیان رابطوں سے علاقائی امن کو فروغ ملے گا،چین میں تعلیم حاصل کرنے والے پاکستانی طلبا پاکستان میں سیاحت کے فروغ کے لئے کردار ادا کریں۔ جمعہ کو سنکیانگ یونیورسٹی کے اساتذہ اور طلبا سے خطاب کرتے ہوئے نگران وزیراعظم نے کہاکہ پاکستان چین سیلازوال تزویراتی شراکت دی کو مزید وسعت دینے کے عزم کااعادہ کرتا ہے، سنکیانگ صرف تجارتی اور مواصلاتی راہداری نہیں بلکہ دو عظیم قوموں کو جوڑنے کاباعث بھی ہے۔ انہوں نے کہاکہ ہمسایہ ہونے کے ساتھ ساتھ مشترکہ ثقافت کی وجہ سے سنکیانگ پاکستانیوں کے دلوں میں خصوصی اہمیت رکھتا ہے،خنجراب بارڈر پاکستان اور چین کو ایک دوسرے سے منسلک کرتا ہے، پاکستان اور چین کی دوستی کامنفرد رشتہ اعتماداور باہمی احترام کی بنیاد پر استوار ہے۔ انہوں نے کہا کہ سی پیک نئے دور میں داخل ہو چکا ہے، سی پیک بی آر آئی کے تحت ایک جامع منصوبہ ہے،دونوں ملکوں کے عوام کے درمیان رابطوں سے علاقائی امن کو فروغ ملے گا، سی پیک میں گوادر کو مرکزی حیثیت حاصل ہے،سی پیک سے صنعتی ترقی، روزگار، معدنیات اور آئی ٹی کو فروغ ملے گا۔ انہوں نے کہا کہ خنجراب اور سوست بارڈر تجارت کیلئے مزیدسہولیات کی فراہمی کے لئے پر عزم ہیں۔ بعدازاں سنکیانگ یونیورسٹی میں طلبا سے ملاقات میں گفتگوکرتے ہوئے نگران وزیراعظم نے کہا کہ کوشش ہے کہ زیادہ سے زیادہ پاکستانی طلبا سنکیانگ میں تعلیم حاصل کریں، سیاحت کے فروغ کے لئے دو طرفہ اقدامات کئے جائیں گے، چین انتہائی خوبصورت ملک اور اچھے لوگوں کا معاشرہ ہے، نوجوان کسی بھی معاشرے کی ترقی کا اہم جزو ہیں، ترقی کیلئے زندگی کامقصد متعین کرناہو گا، چینی طلبہ پاکستان میں سیاحت کے فروغ کے لئے کردار ادا کریں، باہمی شراکت داری وقت گزرنے کے ساتھ ساتھ مستحکم سے مستحکم ہوتی چلی جا رہی ہے۔
مقبول خبریں
ملائیشین وزیرِ اعظم کی آرمی چیف سے ملاقات، دہشتگردی کیخلاف جنگ میں پاک فوج...
راولپنڈی (این این آئی)آرمی چیف جنرل سید عاصم منیر سے ملائیشیا کے وزیرِ اعظم نے ملاقات کی ہے۔انٹر سروسز پبلک ریلیشنز (آئی ایس پی...
پی سی بی سینٹرل کنٹریکٹ میں بڑے پیمانے پر اکھاڑ پچھاڑ کا امکان
لاہور(این این آئی)پاکستان کرکٹ بورڈ نے سال 24ـ2023ء کے لئے چار کیٹیگریز میں 25 کرکٹرز کو سینٹرل کنٹریکٹ کے لئے منتخب کیا تھا، ان...
آئی سی سی ویمنز ٹی20 ورلڈ کپ: پاکستان نے سری لنکا کو ہرادیا
شارجہ (این این آئی)پاکستان ویمنز نے آئی سی سی ویمنز ٹی ٹوئنٹی ورلڈ کپ میں ایشین چیمپئن سری لنکا ویمن کو 31 رنز سے...
افغان کرکٹر راشد خان رشتہ ازدواج میں بندھ گئے
کابل (این این آئی)افغانستان کرکٹ ٹیم کے مشہور اسپِن بولر راشد خان نے شادی کر لی۔راشد خان کی شادی کی تقریب 3 اکتوبر کو...
نیتن یاہو نے میرے ذاتی باتھ روم میں جاسوسی آلات نصب کیے، بورس جانسن...
لندن(این این آئی)برطانیہ کے سابق وزیراعظم بورس جانسن نے انکشاف کیا ہے کہ اسرائیلی وزیراعظم سے ملاقات کے بعد دفتر خارجہ میں ان کے...