اسلام آباد (این این آئی)اسلام آباد پولیس نے کہا ہے کہ وفاقی دارالحکومت میں ہنگامہ آرائی کی کسی کواجازت نہیں دیں گے۔سماجی رابطے کی ویب سائٹ پر جاری بیان میں اسلام آباد پولیس نے کہاکہ تمام جماعتوں کو دفعہ 144 کے نافذ ہونے سے متعلق آگاہ کیا جاچکا ہے۔انہوںنے کہا کہ خلاف ورزی کرنے والوں کے خلاف سخت قانونی کارروائی ہوگی۔اسلام آباد پولیس نے ہدایت دی کہ خواتین، بچے ایف 9 پارک کی طرف صبح 10 سے دن ایک بجے تک جانے سے گریز کریں، کسی بھی غیر قانونی سرگرمی کی اطلاع پکار 15 یا آئی سی ٹی 15 ایپ پر دیں۔
