لاہور(این این آئی)اداکارہ جویریہ سعود نے کہا ہے کہ جن افراد کی شادیاں نہیں چل پا رہی ہوتیں، بعد میں پتا چلتا ہے کہ ان کی شادیاں اس لیے نہیں چل پا رہی تھیں کیوں کہ وہ کہیں اور بھی چل رہے تھے۔اداکارہ جویریہ اور ان کے شوہر اداکار سعود نے حال ہی میں سما ٹی وی کے مارننگ شو میں شرکت کی، جہاں انہوں نے کھل کر اپنی کامیاب ازدواجی زندگی سمیت حالیہ دور میں طلاقوں کی بڑھتی شرح پر بھی بات کی۔ان کے شو کی وائرل ہونے والی مختصر ویڈیو میں اداکارہ جویریہ سعود کو طلاقوں کی بڑھتی شرح پر مزاحیہ انداز میں بات کرتے ہوئے دیکھا جا سکتا ہے۔جویریہ سعود کی جانب سے طلاقیں ہونے کی بات مزاحیہ انداز میں کرنے کی ویڈیو وائرل ہوگئی، جس پر لوگوں نے دلچسپ تبصرے بھی کیے۔اسی کلپ میں اداکار سعود کا کہنا تھا کہ ماضی میں بزرگ کہتے تھے کہ شادی سے قبل لڑکے اور لڑکی کو ایک دوسرے سے متعلق زیادہ معلومات نہیں ہونی چاہیے، انہیں زیادہ ملنا بھی نہیں چاہیے۔ان کے مطابق بزرگ یہ بات اس لیے کہتے تھے کہ اگر لڑکے اور لڑکی کو پہلے سے ہی خود سے متعلق ہر چیز کا علم ہوگا تو ان میں حسد ہو سکتا ہے۔انہوں نے مثال دی کہ جیسے انہیں اور ان کی اہلیہ کو شادی سے قبل ایک دوسرے سے متعلق بہت ساری چیزوں کا علم نہیں تھا، وہ کبھی نہیں ملے تھے اور اسی وجہ سے ان کی شادی کامیاب ہوئی۔اسی وائرل ویڈیو میں میزبان نے مدیحہ نقوی نے سوال کیا کہ آج کل تو ایک مہینہ بھی بعض شادیاں نہیں چل پاتیں، اس پر جویریہ نے ہسنتے ہوئے کہا کہ شادیاں چل نہیں پا رہیں اور بعد میں قریبی دوستوں سے شادیاں بھی کی جا رہی ہیں۔جویریہ سعود نے کسی کا نام لیے بغیر ہنستے ہوئے کہا کہ ایک تو شادیاں چل نہیں پا رہیں اور دوسری جانب ان ہی لوگوں کی دوسری شادیاں قریبی دوستوں سے بھی ہو رہی ہیں۔انہوں نے ہنستے ہوئے مزید کہا کہ جن کی شادیاں ہیں چل پا رہیں، بعد میں پتا چل جاتا ہے کہ وہ اس لیے نہیں چل پا رہی تھیں کہ وہ کہیں اور بھی چل رہے تھے۔جویریہ سعود کی بات پر میزبان بھی ہنس پڑیں جب کہ ان کے شوہر بھی مسکراتے رہے۔
مقبول خبریں
حکومتی اقدامات سے مہنگائی اور شرح سود میں کمی ہوئی ہے، وزیر خزانہ
اسلام آباد (این این آئی)وفاقی وزیر خزانہ محمد اورنگزیب نے کہا ہے کہ حکومتی اقدامات سے مہنگائی اور شرح سود میں کمی آئی ہے۔وزیر...
بجلی صارفین کا 30 ستمبر سے 200 یونٹ تک کا 3 ماہ کا ریلیف...
اسلام آباد(این این آئی) ملک میں بجلی صارفین کا 30 ستمبر سے 200 یونٹ تک کا 3 ماہ کا ریلیف ختم ہو جائے گا۔ذرائع...
وفاقی وزیر پٹرولیم ڈاکٹر مصدق ملک کی چائنا نیشنل آف شور آئل کارپوریشن ...
اسلام آباد (این این آئی)وفاقی وزیر پٹرولیم ڈاکٹر مصدق ملک نے تیل اور گیس کے ذخائر کی تلاش میں سرکردہ چینی...
پاکستان اور تاجکستان کے مابین لیبر موبلٹی اور صنعتی مہارت میں دوطرفہ تعاون کو...
اسلام آباد (این این آئی)وفاقی وزیر برائے سمندر پار پاکستانیز و ترقی انسانی وسائل نے تاجکستان کے سفیر شریف زادہ یوسف تویر اور تاجکستان...
ہماری کوئی بھی پٹیشن نہیں سنی جا رہی سب کچھ بے نقاب ہو گیا،...
راولپنڈی (این این آئی) پاکستان تحریک انصاف کے بانی اور سابق وزیراعظم عمران خان نے کہا ہے کہ ہماری کوئی بھی پٹیشن نہیں سنی...